كيف اتعامل مع طفلي العنيد؟

578100_308131635994792_1396614743_n
كَتَب: آخِر تَحْدِيث: .

كتير من الاباء والامهات بيشتكوا من اطفالهم انهم بيعندوا ومش بيسمعوا كلامهم اولا العند بيبدا من سن مبكر جدا يعني الطفل يكمل سنتين وبقى يمشي وياكل لوحده ويحس بالاستقلاليه في كل حاجه تلاقيه ابتدى يعند مع امه وابوه وده نتيجه لنمو تصوارته الذهنية مثلا تلاقي طفل عنده اراده ومصمم على رايه في شئ معين النوع ده من الاطفال لازم تشجعيه وفي طفل بيعند مع امه وعنده صراع داخلي مع نفسه انه مايسمعش كلامها ولايلبي طلباتها وده طبعا في عواقب بترتب عليه هي ان الام بتضرب وبتعاقب الطفل ده بكل قسوه الحل ايه بقى :

– اولا لازم تختاري اسلوبك وانتي بتتعاملي مع طفلك وتحاولي تفهميه واوعي تقارنيه بطفل تاني

-ولازم تراعي نفسيته وعمره ورغبته في تحقيق اللي هو عاوزه ومتحاوليش تجبريه على انه يعمل حاجه غصب عنه حاولي تسمعيه وتفهمي وجهة نظره ايه ولازم تتبعي معاه اسلوب مقنع بكل حب وحنان وكتير من الدكاتره بتاكد ان الاطفال الكثيرين الحركه واللي بيصروا على رايهم دول اطفال اذكياء.

كتير من الاباء والامهات بتلبي كل طلبات واحتياجات اطفالهم كنوع من الرفاهيه وده طبعا بيخلي الطفل عنيد جدا واناني واكد الدكتور هاشم بحري استاذ الطب النفسي ان العند عند الاطفال شئ طبيعي ووارد وده نتيجه الاحباط عنده وبكده الطفل بيبقى غير قادر على سماع نصائح والديه وكمان بيشدد على عدم ضرب الاطفال لان الضرب بيخلي الطفل يحس بعدم الثقه في نفسه وبكده هايتحول الى طفل عنيد جدا ولازم على الاب والام يعلموا اطفالهم اسلوب الحوار والاخلاق وكيفيه التعامل معهم واحترامهم وان لابد من الطفل ان ميتعداش حدوده على ابوه وامه زي الالفاظ السيئه والتصرفات الغير سليمه لان هذا الاسلوب بيساعد الطفل على التخلص من العند واحترام والديه.

التعليقات

أضف تعليقاً

لن يتم نشر عنوان بريدك الإلكتروني.