تهديدات بإقتحام منزل المشير طنطاوى خلال 24 ساعة

100024
كَتَب: آخِر تَحْدِيث: .

فى مفاجأة تعد هى الاولة من نوعها قامت اليوم صفحة الغضب الثانية على موقع التواصل الاجتماعى الفيس بوك بنشر بيان لمجموعة من النشطاء السياسين بتهديد رئيس المجلس الاعلى للقوات المسلحة المشير محمد حسين طنطاوى بإقتحام منزله الكائن بمنطقة حلمية الزيتون فى حال عدم تنفيذ مطالبهم والتى جاء على راسها الافراج عن الف وربعمائة معتقل بالسجون الحربية واشار البيان الى انه فى حالة عدم الاستجابة للمطالب سيتم البدء فوراً فى تنفيذ تلك المحاولة وقد اشار البيان الى انه سوف يتم التنفيذ بهذا الوعد كما حدث امس عندما تم الاعلان عن اغلاق كوبرى 6 اكتوبر وهو ما جرى فعليا واليكم البيان كاملاً

: زى ما وعدنا قفلنا كوبرى 6اكتوبر امبارح والنهاردة كان اكبر اختبار لكل اللى فكر ان الاخوان ممكن يتحدوا الثورة ولكنهم بغبائهم فشلوا مع انه كان من الممكن يضحكوا على ناس كتير ويعتصموا ولو ليوم واحد ولكن غبائهم سبقهم ورحلوا عن ميدان الشهداء وكعادتهم “ثورة ثورة حتى العصر” فقط هم عملوا تعطيل لاغلب الناس عن التحرك ولكن الحمدلله ربنا فضحهم امام الجميع ولن يصدقهم احد بعد اليوم .

اما بالنسبة للموجة الثانية للثورة واللى هيستكملها ثوار مصر كعادتهم قررنا الاتى : هنروح بيت طنطاوى حلمية الزيتون ولكن اولا وقبل كل شئ الحرب خدعة وعدوك المفروض ميعرفش انت هاتروح امتى وتعمل ايه ؟ اكيد هنروح نهتف سلمية !! واكيد اننا عارفين المنطقة محصنة وكمان الخطة مش هاتبقى معلنة وكل كلمة بنكتبها لها معنى عندالثوار على الارض.

بمعنى اننا كتبنا المسيرة رقم واحد فى طلعت حرب وكان اتجاة السيرمفاجأة وقفلنا كويرى 6اكتوبر ..المرة دى الاعلان هيخص كل واحد من الثوار ساكن قريب من الاماكن دى..جسر السويس وكوبرى القبة وحمامات القبة وحدائق الزيتون وحلمية الزيتون.

وعلى جميع الثوار اللى ساكنين قريب من الاماكن دى الاستعداد والتجهيز للتوجة لمقر بيت رئيس المجلس الاعلى للقوات المسلحة ..مبدئيا مش هانقدر نتكلم اكثر من كدة واخر كلمة استعدوا لساعة الصفر وكمان بيت طنطاوى معروف للكل .

ولو طنطاوى ما افرجشى عن كل الناشطين السياسين والـ 1400 مصرى من شباب الثورة المحبوسين فى السجون الحربية والمشددة الحراسة خلال 24ساعة هنبدأ التحرك .


التعليقات

  1. الله يخرب بيوتكم ..ثوار ايه وزفت ايه دا انتو ارهابيين وحلال فيكم القتل … حد يقول هذا الكلام الخطير :عدو وحرب وخطط حربية ؟؟؟ انتم بتحاربوا مين يااجهل بشر على وجه الارض…..ارجو من سيادة المشير عدم الرحمة بهؤلاء الاشرار الارهابيين واطلاق النار عليهم مباشرة لو تجرأوا ونفذوا كلامهم الخالى من الحكمة والتعقل…

أضف تعليقاً

لن يتم نشر عنوان بريدك الإلكتروني.