نتيجة تنسيق الثانوية العامة 2012 ونصائح لاختيار الكلية الافضل

تنسيق الثانوية العامة
كَتَب: آخِر تَحْدِيث: .

احبائى طلاب الثانوية العامة انتهت المرحلة الاصعب فى حياتكم وهى امتحانات الثانوية العامة سواء ادبى او علمى علوم او علمى رياضة وتم الاعلان عن النتائج وبالطبع فى ناس حصلت على النتيجة الى بتحلم بيها والبعض فى صدمة حتى الان والبعض لسة لم ينتهى من دوامة الثانوية العامة وهيدخل دور تانى ولكن الان لابد ان يكون كل طالب واقعى ويهتم بالتنسيق ويختار المجال الى يناسبة واحب اقلك مش معنى انك خسرت طب او هندسة تبقى خلاص فشلت بالعكس اى مجال هتدخلة وتنجح فية وقتها لن تقل عن طالب الطب لان مصر محتاجة كل المجالات ومفيش حاجة اسمها كليات قمة هذا مجرد وهو بيضحك بية على الطلاب الى لسة فى ثانوية ولم تجرب الحياة العملية على ارض الواقع .

بالطبع قبل الحديث عن اى شىء فى تنسيق الثانوية العامة لابد اولا ان نذكر الموقع الرسمى للتنسيق وبالطبع هناك بشرى جميلة لطلاب التعليم المفتوح يمكنهم التقديم من الان من خلال الموقع وبالطبع الموقع دة الى هتسجل فية التنسيق سواء انت مرحلة اولى او ثانية او ثالثة

http://tansik.egypt.gov.eg/application/

– ركزوا معايا هندخل على موقع جريدة الوطن نكتب رقم الجلوس ونشوف النتيجة عادى المهم تحت خالص فى الصفحة هيقلك التنسيق المتوقع لك هدوس علية هيفتحلك صفحة بكل الدرجات المتوقعة شوف انت اية الكليات التى تناسبك يلا ندخل على الرابط الان

http://natega2.elwatannews.com/nategathanawy2012.aspx

ونحن الان فى انتظار التنسيق الرسمى من وزارة التربية والتعليم 

– بخصوص النصائح ياريت كل واحد يوضح هيدخل كلية اية حسب التنسيق بتاعة لاننا نحب ان نقول نصائج عامة وخاصة لان هناك كليات تحتاج الى نصائح خاصة ولكن اهم نصيحة انة لا فرق بين المعهد والجامعة الان والى هيقلك عكس ذلك يبقى بيحب الشكليات فقط وطبعا الى عايز يشوف مستقبلة مش هتفرق معاة الشكليات الكذابة دى ونصيحة اخرى هامة احذر ان تركز مع الاصدقاء اكثر من تركز فى محاضرات الجامعة لان تلك النصيحة تسببت فى فشل نصف طلاب جامعة مصر وخاصة الى عندهم اعمال سنة على حضور المحاضرات ونصيحة اخرى هامة تعاملك مع الدكتور يتختلف عن المدرس فى الثانوى دكتور الجامعة زى القاضى يقدر يضيعك فى المادة حتى لو انت رقم 1 فيها دة فى حالة لو غضب منك لذلك احرص على ارضاء جميع الدكاترة وانتظروا المزيد من النصائح بعد نتيجة التنسيق .

 

التعليقات

أضف تعليقاً

لن يتم نشر عنوان بريدك الإلكتروني.