طريقه حفظ وتفريز ورق الكرنب
كيفية تفريز الكرنب؟
معظم الستات تجيب الكرنبة وتضطر تعملها كلها وتضيع وقتها وتحتارتعمل ايه في الباقي هاقولك على طريقه تريحك وتوفر عليكي مجهود كبير وفي نفس الوقت مش هاتضطري تعملي الكرنبة كلها,
هاتجيبي حله فيها ميه وتحطيها عالنار ولحد ماتغلي تبتدي في تقطيع الكرنبه وتفصلي الورق من عند الراس بس براحه خالص عشان الورقه ماتتقطعش,
واول ما الميه تغلي احط فيها ملعقه كمون لان الكمون طبعا بيدي الكرنبه طعم وريحه حلوة وملعقة ملح واحط 3 ورقات في كل مره واسيبها لمده دقيقه واطلعها بسرعه عشان الورقه ماتتهريش معايا واصفيها كويس خالص وبعدين هاتجيبي الورق كله اللي طلع عند وتبتدي تقطعيه طبعا بتشيلي العروق وبعدين تلفي الورقه رول وتقسيميها نصين وفي كل مره تعملي كده وترصيهم على بعض براحه وبشكل منظم عشان ماتتهريش ببعض ويتقطع الورق, وتجيبي اكياس ساندوتشات وتبدي ترصي شويه شويه فوق بعض وتقفلي الكيس كويس وحاولي تفرغيه من الهوا اللي فيه عشان لما تحطيه في الفريزر مايعملش ميه ويبقى طعمه وحش وبتهري, وبكده انتي جهزتي الكرنبه لوقت استخدامك اول ماتحتاجيه تطلعيه يفك من الثلج وتجهزي الحشو وتبتدي تحشي عالطول, كده وفرتي في وقتك ووفرتي عليكي مجهود كبير, وصحه وعافيه…
